თამბაქოსა და ლატარეის ბილეთებით მოვაჭრე ფრანგულმა მაღაზიებმა ხელშეკრულება კომპანია Keplerk-თან დადეს და 2019 წლიდან მომხმარებლებს ბიტკოინს შესთავაზებენ.
ფრანგული ახალი ამბების გამომცემლობა LeParisen წერს, რომ ფრანგულმა ფინანსურმა გიგანტმა, კომპანია Keplerk-მა, ადგილობრივი საკასო აპარატებისთვის პროგრამული უზრუნველყოფის მიმწოდებელთან ხელშეკრულება დადო, რათა თამბაქოს მაღაზიებს ბიტკოინით ვაჭრობის შესაძლებლობა მიცემოდათ.
ეს მაღაზიები კლიენტებს ვაუჩერს შესთავაზებენ , რომელიც კომპანია Keplerk-ის მფლობელობაში არსებული ციფრული საფულის მეშვეობით გადაცვალონ BTC-ში. ეს იქნება მსოფლიოში პირველი შემთხვევა, როდესაც კრიპტოვალუტის გაყიდვა რეალურ სავაჭრო ობიექტებზე ხდება.
"თამბაქოს მაღაზიების მფლობელები - საუკეთესო კავშირია, იმიტომ, რომ მათ კლიენტები ენდობიან და ვაუჩერების გაყიდვას შეჩვეულები არიან"- განაცხადა ადილ ზაჰარმა, Keplerk-ის განვითარებისა და სტრატეგიის დირექტორმა.
საფრანგეთის ეროვნულმა ბანკმა კრიპტოვალუტაში დაბანდების რისკების შესახებ ინვესტორები გააფრთხილა და 21 ნოემბერს გამოაცხადა, რომ Keplerk-ის ინიციატივას არ აკონტროლებს.
განცხადებაში ნათქვამია, " ისინი ვინც ბიტკოინში ან სხვა კრიპტოვალუტაში ინვესტიციას დებენ, თავიანთი რისკისა და საფრთხის გამო აკეთებს ამას"
საფრანგეთში დაახლოებით 24 000 ლიცენზირებული თამბაქოს მაღაზიაა, რომლებიც უკვე ყიდიან ლატარეის ბილეთებს , მობილური ტელეფონებისა და მუსიკალური აპლიკაციების ანგარიშებს ავსებენ.
კომპანია Keplerk-ის პროექტს დააფინანსებს და თითო შემდგარი გარიგებიდან საკომისიოს 7% აიღებს.
მასალების მიხედვით coinidol.com
ასევე წაიკითხეთ
ფორკი Bitcoin SV გაშვებისთვის მზადაა
nChain-ს, Bitcoin Satoshi Vision-ის მონაცემებით, ახალი ფორკი Bitcoin Cash გაშვებისთვის თითქმის მზადაა. პროგრამული პროდუქტის წინაწსარი ვერსია სტარტაპმა უკვე გამოუშვა. Bitcoin SV ბეტა-ვერსია დაახლოებით 5 კვირის განმავლობაში იტესტებოდა და ახლა რამდენიმე ახალი ტექნიკური ცვლილებით გაშვებისთვის მზად არის. ამ ცვლილებების ფარგლებში Windows მხარდაჭერა ამოღებულია.
მოსაზრება: დღეს ბიტკოინი - ეს ლატარიის ბილეთია
საერთაშორისო სავალუტო ფონდის ყოფილი მთავარი ეკონომისტი და ჰარვარდის უნივერსიტეტის საჯარო სამართლის და ეკონომიკის ამჟამინდელი პროფესორი კენეტ როგოფი თვლის, რომ მოცემული მომენტისთვის ბიტკოინი და სხვა კრიპტოვალუტები იგივეა რაც „ლატარიის ბილეთი“.
უკანასკნელი სტატიები კატეგორიიდან Bitcoin
