რუსეთის კრიპტოვალუტის შესახებ კანონის ახალ რედაქციაში „გაუგებარ ბიტკოინებსა“ და „უაზრო მაინინგზე“ უარი განაცხადეს, რადგან ეს ორი ცნება ქვეყნის ეკონომიკაში არ ჯდება
ყველაფერი, რაც ჩვენთვის გაუგებარია, ჩვენ არც გვჭირდება. როგორც ჩანს, მუშაობა კანონპროექტზე „ციფრული ფინანსური აქტივების შესახებ“ სწორედ ასეთი დევიზით მიმდინარეობს. ყოველ შემთხვევაში, რუსეთის სახელმწიფო დუმის საფინანსო ბაზრის კომიტეტის თავმჯდომარესთან ანატოლი აქსაკოვთან ინტერვიუს შემდეგ ასეთი შთაბეჭდილება რჩება.
„ეს გაუგებარი ბიტკოინები რუსულ საფინანსო სისტემაში ვერაფრით „შესისხლხორცდება“, ამიტომ ჩვენ გადავწყვიტეთ, რომ ის საერთოდ არ გვჭირდება“, - კანონპროექტზე მუშაობის პროცესი აქსაკოვმა ასე დაახასიათა. კრიპტოვალუტის კანონში ასეთ განსაზღვრაზე უარის თქმამ ნორმატიულ-სამართლებრივ სივრცეში ცნება „მაინინგის“ შეტანაზეც ნეგატიურად იმოქმედა.
თავმჯდომარის თქმით, სამართლებრივ სისტემაში, რომელიც კანონის ახალ რედაქციაში გაწერილი, ისეთი ცნების აუცილებლობა, როგორც „მაინინგია“, საერთოდ არ დგას. მისი აზრით, ნორმატიულ ბაზაში ასეთი ცნების შეტანის აუცილებლობა საგადასახადო ინსპექციამ უნდა გადაწყვიტოს, ამიტომაც მაინერების დაბეგვრის საკითხებიც ახალ საკანონმდებლო დოკუმენტში არ არის.
და ყველაფერი ეს მიუხედავად იმისა, რომ ჯერ კიდევ ოქტომბრის დასაწყისში იგივე აქსაკოვი დარწმუნებული იყო, რომ მაინინგს კარგი შემოსავალი მოაქვს და ის აუცილებლად დასაბეგრია, ხოლო პირველი მოსმენით მიღებული კანონპროექტი მაინინს სამეწარმეო საქმიანობად აღიარებდა და შესაბამისად, კრიპტოვალუტის მოპოვების პროცესში დაბეგვრის პროცესი როგორც ფიზიკური, ასევე იურიდიული პირებისთვის იყო გაწერილი.
ჯერჯერობით უცნობია, რატომ თქვეს უარი კანონმდებლებმა საკუთარ მიზანზე, რომელიც ამ საკითხში ყველა წერტილის დასმას გულისხმობდა. ის სიახლეები, რომლებსაც საშემოდგომო სესიისთვის მოსამზადებელი კანონი შეიცავს, ჯერ მხოლოდ ვარაუდის დონეზე რჩება. ადგილის რელიეფი ფაქტობრივად თვალსა და ხელს შუა იცვლება.
ასევე წაიკითხეთ
აშშ-ს ახალი კანონმდებლობა სთავაზობს, რომ კრიპტოვალუტა ფასიან ქაღალდებად არ ჩაითვალოს
ჩაითვალოს 20 დეკემბერს აშშ-ს ორმა კონგრესმენმა წარმომადგენელთა პალატას განსახილველად კანონპროექტი წარუდგინა, რომლის მიხედვით კრიპტოვალუტა ფასიან ქაღალდებად აღარ ჩაითვლება. „2018 წლის კანონპროექტი ტოკენების კლასიფიკაციის შესახებ“ უორენ დევიდსონმა და დარენ სოტომ წარადგინეს. ის ფასიანი ქაღალდების შესახებ 1933 წლის კანონსა და 1934 წლის ფასიანი ქაღალდების შესახებ კანონში ცვლილებების გზით, ფასიანი ქაღალდების განსაზღვრებიდან ციფრული ვალუტების ამოღებას სთავაზობს.
ესპანეთმა კანონპროექტი დაამტკიცა, რომლის თანახმად მოქალაქეები ვალდებულნი არიან ციფრული აქტივების შესახებ ინფორმაცია გამოააშკარაონ
ესპანეთის მასობრივი საშუალებების ცნობით, ესპანეთის მინისტრთა საბჭომ თაღლითობასთან ბრძოლის შესახებ კანონპროექტი დაამტკიცა, რომლის თანახმად, ესპანეთის მოქალაქეები ვალდებულნი არიან ყოველწლიურად დაადეკლარირონ ციფრული აქტივები, რომლებსაც ქვეყნის შიგნით და გარეთ ფლობენ. ამგვარად, კრიპტოვალუტით მიღებული მოგება საგდასახადო სამსახურში აისახება, რაც არ ხდებოდა და არ რეგულირდებოდა რაიმე კანონით.
უკანასკნელი სტატიები კატეგორიიდან რეგულატორები
